Í nærbuxum en ekki í brjóstahaldara

Fyrirsætan og raunveruleikastjarnan Kendall Jenner er ekki hrædd við að koma til dyranna eins og hún er klædd, bókstaflega. Í veislu hjá franska lúxusmerkinu Longchamp á þriðjudaginn mætti Jenner í afar fallegum svörtum kjól sem faldi ekki mikið. 

Svarti kjóllinn var gegnsær og var Jenner bara í háum svörtum nærbuxum undir kjólnum. Fyrirsætan þurfti ekki á brjóstahaldara að halda og glitti í geirvörturnar undir kjólnum. 

Á meðan Jenner var í París var tískuvikan í New York í fullum gangi en Jenner ákvað hins vegar að taka ekki þátt í henni. Í viðtali við W um helgina sagðist hún fara yfir um af og til en hún hefur áður tjáð sig um neikvæð áhrif þess á andlega líðan að taka þátt í tískuvikum.  „Svo ég verð að slaka á og vera ein. Í gær fór ég bað af því ég var að stressast. Ég kveikti á nokkrum kertum og; já,“ sagði stjarnan sem veit greinilega hvar mörk hennar liggja. 

• Blogga um frétt