Eurovision verður haldið í Tel Aviv á næsta ári, en ekki í Jerúsalem eins og margir höfðu talið. Frá þessu er greint á vef söngvakeppninnar.

Ríkisútvarpið greindi í kjölfarið frá því á vef sínum að RÚV mundi taka þátt í keppninni á næsta ári. Skorað hafði verið á RÚV að sniðganga keppnina eftir að ísraelska söngkonan Netta sigraði, vegna ástandsins á Gaza og framferðis ísraelskra stjórnvalda í garð Palestínumanna.

„Endanleg ákvörðun lá fyrir í morgun þegar ljóst var að Ísraelar, sem halda keppnina, ákváðu að hafa hana í Tel Aviv en ekki Jerúsalem,“ segir í tilkynningu RÚV.

Allar norrænu sjónvarpsstöðvarnar taki þátt í keppninni og hafi norrænu stöðvarnar jafnan verið samstiga í slíkum efnum.

Haft var eftir Skarphéðni Guðmundssyni, dagskrárstjóra RÚV, að eftir mikla yfirlegu hefði verið  ákveðið að senda fulltrúa frá Íslandi. „Sú ákvörðun grundvallast á því að ekki er um pólitískan viðburð að ræða heldur þvert á móti samkomu ólíkra þjóða sem allt frá stofnun hefur haft að megintilgangi og leiðarljósi að breiða út boðskap sameiningar- og friðarkrafts sem felst í dægurtónlist og menningu almennt,“ er haft eftir Skarphéðni.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt