Hræðilegt klúður veðurfréttamanns

Ef það er eitthvað sem sjónvarpsfréttafólk elskar þá er það að stilla sér upp í óveðri og segja fréttir. Þetta ætlaði veðurfréttamaðurinn Mike Seidel að gera þegar fellibylurinn Flórens reið yfir Bandaríkin á dögunum en tveir stuttbuxnaklæddir menn eyðilögðu fréttina hans. 

Í myndskeiði af Seidel í Wilmington í Norður-Karólínu sem hefur farið eins og eldur í sinu um netið síðustu daga virðist sem Seidel geti varla staðið í fæturna á meðan hann segir fréttirnar. Það skýtur því skökku við þegar tveir menn ganga fyrir aftan hann í mestu makindum. Sjón er sögu ríkari.