Harry Bretaprins fagnaði 34 ára afmæli sínu á laugardaginn og stóðst mágkona hans, Samantha Markle, hálfsystir Meghan, ekki mátið og sendi Harry harðorð skilaboð á Twitter.
Ásamt því að birta mynd af hamstri, með svipaðan hárlit og Harry, að borða köku ásakaði hún hann um að hunsa föður þeirra Meghan, Thomas Markle. Sagði hún Harry að hugsa um allar afmælisóskirnar sem hann hefði ekki fært tengdaföður sínum.
Samantha Markle sendi Meghan einnig harðorð skilaboð á Twitter þegar Meghan átti afmæli í byrjun ágúst. Sagði hún þá að það væri við hæfi fyrir hana að senda föður sínum síðbúið afmæliskort en hann átti afmæli 18. júlí.