Leikkonan Jessica Biel var tilnefnd til Emmy-verðlaunanna og mætti hún á hátíðina með eiginmann sinn, söngvarann Justin Timberlake, sér við hlið. Hjónin geisluðu og virtust enn jafn ástfangin og fyrir sex árum þegar þau giftu sig.
„Mér líður eins og ég sé að fara að gifta mig aftur,“ sagði Biel, samkvæmt frétt Vogue, en leikkonan var glæsileg í hvítum kjól frá Ralph & Russo. Hjónin giftu sig þó ekki í nótt en þau giftu sig á Ítalíu árið 2012 eftir að hafa verið saman í fimm ár.
Biel var tilnefnd fyrir hlutverk sitt í sjónvarpsþáttunum The Sinner en fór ekki heim með styttuna. Leikkonan Regina King hafði betur fyrir frammistöðu sína í sjónvarpsþáttunum Seven Seconds.