Youtube-stjarnan Patrick Starr er á Íslandi. Stjarnan sem er þekkt fyrir förðunaráhuga sinn er búin að skoða Suðurlandið síðan í gær en hann er hér með fólki frá snyrtivörufyrirtækinu e.l.f. Cosmatics.
Hópurinn heimsótti Friðheima í gær og í dag voru Þingvellir viðkomustaður þeirra með stoppi á ION-hótelinu. „Ísland er svo fallegt,“ sagði Starr þegar hann sýndi fylgjendum sínum á Instagram hversu fallegt og stórkostlegt Ísland væri eins og hann lýsti því.
Snyrtivörufyrirtækið e.l.f. Cosmatics er líka duglegt að sýna frá ferðinni á Instagram og er allt merkt fyrirtækinu í bak og fyrir. Ekki bara föt fólksins heldur er bíllinn þeirra líka merktur fyrirtækinu og búið er að skreyta hótel þeirra með púðum og öðru merktu e.l.f.