Chemical Brothers aflýsa Íslandstónleikum

Hljómsveitin The Chemical Brothers hefur aflýst tónleikum sem til stóð að sveitin héldi á Íslandi í október. Þetta kemur fram í færslu frá hljómsveitinni á Facebook-viðburði sem stofnaður var vegna tónleikanna.

Þar segir að tónleikunum, sem halda átti í Laugardalshöll, hafi verið aflýst vegna „óviðráðanlegra aðstæðna“ og biður hljómsveitin afsökunar á þeim óþægindum sem þetta kann að valda.

Er þeim sem keypt höfðu miða bent á að hafa samband við fyrirtækið sem þeir keyptu miðana hjá til að fá endurgreitt.  

Frétt af mbl.is

The Chemical Brothers til Íslands

Ástæða þess að tónleikum Chemical Brothers er aflýst er ekki gefin upp, en Morgunblaðið fjallaði um það á mánudag að eft­ir stöðugan upp­gang á tón­leika­markaðnum hér á landi í mörg ár virtist nú vera farið að kreppa að og erfiðara væri að selja upp á tón­leika er­lendra lista­manna.

Frétt af mbl.is

Búist við færri sveitum

• Blogga um frétt