Í viðtali í sumar sagði leikarinn Robert Redford að nýjasta mynd hans, The Old Man & the Gun, yrði sú síðasta. Á frumsýningu myndarinnar í gær sagði hann það hafa verið mistök að segja þetta.
„Ég held að það hafi verið mistök að segja að ég væri að setjast í helgan stein af því maður veit aldrei,“ sagði leikarinn sem er 82 ára við People á frumsýningunni.
„Ég hefði ekki átt að segja það af því það dregur athygli frá myndinni,“ sagði leikarinn um viðtalið. Hann sagði þó að honum hafi fundist vera kominn tími til þess að einbeita sér að einhverju öðru.