Grínistinn Pete Davidson sagði í útvarpsþætti að samband hans við söngkonuna Ariönu Grande hefði haft mikil áhrif á líf hans. Davidson og Grande trúlofuðu sig í vor eftir mjög stutt samband.
Það er ekki bara erfitt fyrir hann að vera í friði út á götu heldur segir hann að honum hafi verið hótað lífláti. „Einhver vildi skjóta mig í andlitið af því að hún er svo heit,“ sagði hann í þættinum. „Er ég svo ljótur að þú viljir skóta mig í andlitið, nei til helvítis með þennan gæja, hvað gerði ég?“