Hertogahjónin af Sussex fóru með almenningslest þegar þau heimsóttu Loughborough háskólann í gær, mánudag, og kíktu í íþróttahúsið. Þar létu þau reyna á hæfileika sína með bolta og sýndi Meghan góða takta. 

Skóbunaður hennar hefur þó vakið athygli en hún var klædd í háhælaða skó þegar hún og Harry tóku þátt í léttum æfingum í íþróttahúsinu. Skóval Meghan er því töluvert ólíkt því sem svilkona hennar, Katrín hertogaynja, er þekkt fyrir en hún mætti til dæmis í íþróttaskóm í tennismiðstöð í fyrra.