Justin Theroux virðist vera að jafna sig á skilnaðinum við Jennifer Aniston en leikarinn var staddur í borg ástarinnar í gær, mánudag. Sást Theroux ganga um götur Parísar með leikkonunni Lauru Harrier.
E! greinir frá því að hinn 47 ára gamli Theroux og hin 28 ára gamla Harrier hafi sést saman í París. Voru þau bæði með sólgleraugu en klæðnaður Harrier vakti meiri athygli en Theroux enda klædd í rautt frá toppi til táar.
Þetta er ekki í fyrsta skipti sem Theroux og Harrier eyða tíma saman en í lok maí voru þau saman í fríi í Frakklandi ásamt leikkonunum Emmu Stone, Siennu Miller og blaðamanninum Derek Blasberg.