Hollywood-leikkonan Shailene Woodley kemur til Íslands í dag en hún er formaður dómnefndar í keppni RIFF um aðalverðlaunin Gullna lundann. Woodley fór með aðalhluverkið í Adrift, nýjustu kvikmynd Baltasars Kormáks.
Adrift verður sýnd á hátíðinni og eftir sýningu myndarinnar í dag sem hefst klukkan kortér yfir fimm í Bíó Paradís mun Woodley svara spurningum ásamt Baltasar Kormáki.
Á hátíðinni verður einnig myndin The Descendants sýnd en í henni lék Woodley á móti George Clooney. Tveir þættir úr HBO-þáttaröðinni Big Little Lies verða einnig sýndir á RIFF en þar leikur Woodley á móti Nicole Kidman og Reese Witherspoon.