Fágætt hvítt tígrisdýr reif í sig dýrahirði í dýragarði í Japan á mánudag. Akira Furusho, fertugur starfsmaður dýragarðsins í borginni Kagoshima í suðurhluta Japans, fannst illa særður á svæði tígrisdýrsins á mánudag.  

Tígrisdýrið, sem heitir Riku, réðst á Akira þegar hann ætlaði að þrífa umgirt svæði þess. Dýrið reif Akira í sig svo blæddi illa úr hálsi hans. Akira var fluttur með hraði á spítala þar sem hann var úrskurðaður látinn stuttu síðar.

Tígrisdýrin eru venjulega fjarlægð af svæði sínu þegar verið er að þrífa vistarverur þeirra en ekki er ljóst hvers vegna Akiro fór inn áður en dýrin voru fjarlægð. Alls eru fjögur hvít tígrisdýr í dýragarðinum og hefur lögreglan hafið rannsókn á hvernig umhirðu þeirra er háttað. 

Riku var deyfður eftir atvikið, en aðstandendur Akira hafa óskað eftir því að Riku verði ekki aflífaður, þrátt fyrir að hafa orðið Akira að bana. 

Talið er að manntjón af völdum tígrisdýra sé í kringum 70 til 90 manns á ári. Flest dauðsföllin eiga sér stað í Sundarbans-fenjaskógunum við Bengal-flóa, en þar er talið að um 60 manns látist á ári í tígrisdýraárásum. Árásir tígrisdýra í dýragörðum eru augljóslega færri, en breskur dýrahirðir lét lífið í fyrra eftir að tígrisdýr réðst á hann og þá komst rússneskur dýrahirðir naumlega af í fyrra eftir tígrisdýraárás. 

 Frétt BBC

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt