Eugenie prinsessa og unnusti hennar Jack Brooksband ganga í það heilaga á morgun, föstudag. Alls eru 850 manns á gestalistanum og gilda mjög strangar reglur í brúðkaupinu.
Vanity Fair greinir frá því að búið sé að banna síma, myndavélar auk þess sem búið er að biðja gesti að birta ekki neitt úr brúðkaupsveislunum á samfélagsmiðlum.
Á morgun verða svo gestirnir að vera búnir að koma sér fyrir í kirkjunni klukkan korter yfir tíu en athöfnin sjálf hefst klukkan ellefu á breskum tíma. Fólk verður þó að passa að fara á klósettið áður en ekki verður hægt að fara á klósettið eftir klukkan tíu og er fólk varað við að fá klósett séu í kirkjunni.
Gestirnir mega heldur ekki mæta með gjafir í brúðkaupið en þær á að senda á skrifstofu föður Eugenie, Andrésar prins.