Fyrrverandi eiginmaður Meghan hertogaynju, Trevor Engelson, er greinilega búinn að jafna sig á Meghan en hann og unnusta hans gengu í hjónaband á laugardaginn. Samkvæmt Daily Mail fór mun minna fyrir athöfninni en athöfn Meghan og Harry í maí.
Engelson tilkynnti í júní að hann og næringarfræðingurinn Tracey Kurland væru búin að trúlofa sig en þau byrjuðu að hittast í nóvember í fyrra. Brúðkaupið fór svo fram um helgina í fínu hverfi í Kaliforníu.
Brúðkaup Engelson og Meghan árið 2011 fór fram á Jamaíka en þau skildu tveimur árum seinna.