Söngkonan Lady Gaga staðfesti trúlofun sína við umboðsmanninn Christian Carino á mánudaginn. Lady Gaga hélt ræðu á viðburði á vegum Elle og þakkaði Carino í lokin og talaði um hann sem unnusta sinn.
Fyrst fréttist af sambandi Gaga og Carino í febrúar 2017 en tæpt ár er síðan fyrst var greint frá trúlofuninni. Söngkonan hefur hingað til ekki talað um trúlofunina.
Kvöldið var haldið til heiðurs kvenna í Hollywood og gerði Gaga kynferðislegt ofbeldi og geðheilbrigði að umræðuefni sínu auk þess sem hún hvatti konur til þess að styðja hver aðra.