Aðdáendur franska rokkarans Johnny Hallyday söfnuðust saman fyrir utan plötubúðir í gærkvöldi þar sem von var á nýrri plötu frá tónlistarmanninum í verslanir á miðnætti. Hallyday lést á síðasta ári og var fastlega gert ráð fyrir því að platan, sem nefnist Mon pays c'est l'amour, hafi náð platínusölu á aðeins nokkrum mínútum. Alls áttu 800 þúsund eintök að koma í verslanir í dag.
Á plötuumslaginu er svarthvít mynd af Johnny Hallyday en í hugum margra Frakka er hann þeirra Elvis Presley. Hallyday lést úr lungnakrabbameini 74 ára að aldri.