Harry Bretaprins, hertoginn af Sussex, er langt frá því að vera lofthræddur eins og sjá má þegar hann klifraði upp á topp Hafnarbrúarinnar í Sydney til að draga fána Invictus-leikanna að húni. Leikarnir hefjast í dag og standa yfir í viku. Með honum í för voru nokkrir keppendur leikanna og Scott Morrison, forsætisráðherra Ástralíu. 

Harry prins var fremstur í flokki. AFP

Leikarnir eru hugarfóstur Harrys og eru alþjóðlegir leikar þar sem fyrrverandi hermenn sem hafa slasast eða veikst við herþjónustu keppa í alls konar íþróttagreinum. Leikarnir voru fyrst haldnir árið 2014 og hafa vaxið með hverju árinu. Invictus er latneska heitið yfir ósigrandi og í ár munu 500 keppendur frá 18 löndum keppa í 11 íþróttagreinum og sýna þannig að allt er mögulegt ef viljinn er fyrir hendi, eins og Harry segir að tilgangur leikanna sé.

Harry gegndi herþjónustu í breska hernum um árabil, fyrst 2007-2008 og síðar 2012-2013. Hann sagði skilið við herinn 2015.

Meghan Markle, eiginkona Harrys, ákvað að halda sig til hlés við athöfnina við brúna í dag, enda hefur dagskráin hjá hjónunum verið ansi þétt, en þau eru í 16 daga opinberri heimsókn í Eyjaálfu.

Lofthræðsla var ekki í boði í opinberum erindagjörðum dagsins hjá prins Harry. AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt