Leikkonan Barbra Streisand segist vera ánægð með nýjar útfærslur í kvikmyndinni A Star Is Born. Streisand lék aðalhlutverkið í kvikmyndinni árið 1976. Hún hefur þó ekki séð myndina í heild sinni en er ánægð með það sem hún hefur séð af henni. Margir eru forvitnir um hvað leikurum í fyrri myndinni finnst um nýju myndina.
Í upphaflegu myndinni frá 1967 lék Streisand á móti Kris Kristofferson og Gary Busey. Hún vann svo Óskarsverðlaun árið eftir fyrir lagið Evergreen í kvikmyndinni.
Í viðtali við E!News sagði Streisand að hún hafi gefið Lady Gaga ráð um hvernig væri best að gera myndina. „Myndin byrjar eins og mín gamla, með tónleikunum, og hann fer á skemmtistað og finnur hana. En þau gátu bætt nýjum hlutum við hana, sem ég var hrifin af,“ sagði Streisand.