Leikkonan Meg Ryan er á leiðinni upp að altarinu með kærasta sínum, tónlistarmanninum John Mellencamp. Ryan staðfesti trúlofunina á Instagram í gær en parið hefur verið sundur og saman í nokkur ár. Nú eru þau búin að vera saman í rúmt ár.
Ryan verður 57 ára seinna í mánuðinum en Mellencamp varð löggiltur ellilífeyrisþegi í síðasta mánuði þegar hann fagnaði 67 ára afmæli sínu. Fyrst heyrðist af trúlofuninni á miðvikudaginn þegar Ryan var mynduð með fallegan hring á hendi.
Leikkonan á eitt hjónaband að baki en hún var gift leikaranum Dennis Quaid í tíu ár og á með honum einn son. Árið 2006 ættleiddi hún rúmlega eins árs gamla stúlku frá Kína.
View this post on InstagramA post shared by Closer Weekly (@closerweekly) on Nov 8, 2018 at 10:29am PST