Costco er ekki bara vinsælt á Íslandi. Á dögunum fóru þær Michelle Obama og Ellen DeGeneres saman í Costco til að árita endurminningar forsetafrúarinnar fyrrverandi. Spjallþáttastjórnandinn gerði lítið til þess að hjálpa Obama og var aðallega til vandræða.
Myndband af atvikinu var birt í þætti DeGeneres og vakti mikla lukku. Reyndi DeGeneres að árita bók Obama, hún faldi líka pela í einni bókinni og kenndi Obama um. Síðast en ekki síst birtist hún með hljómborð þar sem hún spann lítið lag.