Tom Hardy leikari hefur verið sæmdur CBE-orðunni af Karli Bretaprins fyrir störf í þágu leiklistarinnar. Orðan er æðsta heiðurstign sem almennir borgarar í Bretlandi eru sæmdir.

Þetta var gert við hátíðlega athöfn í Buckingham-höll í gær. Hardy er vinur Vilhjálms og Harry prinsa og var meðal gesta í brúðkaupi Harrys og Meghan Markle í maí.

Ken Follett glæpasagnahöfundur var sæmdur sömu orðu af prinsinum í gær.

Hardy hefur vakið athygli fyrir ýmis hlutverk í gegnum árin. Nú síðast fyrir leik sinn í stórmyndinni Venom. Þá hefur hann árum saman leikið í Peaky Blinders. Og ekki er hann síst þekktur fyrir túlkun sína á Bane í Dark Knight Rises.

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt