Hættir ekki að léttast

Rappkona Cardi B eignaðist sitt fyrsta barn í júlí. Til að byrja með vildi hún ólm ná af sér meðgöngukílóunum en nú segist hún ekki geta hætt að léttast og er allt annað en ánægð með það eins og hún greindi frá á Instagram samkvæmt ET. 

Segist hún hafa drukkið te til þess að ná stjórn á lyst sinni. Nú þegar hún er búin að losa sig við meðgöngukílóin og maginn, handleggirnir og andlitið orðið eins og áður vill hún þyngjast aftur. Hún á hins vegar í mestu vandræðum með það þar sem hún segist vera með svo slæma lyst, segist hún getað sleppt því að borða í sólahring. 

„Ég var grönn þegar ég var unglingur. Ég hataði það og ég hata það núna,“ sagði Cardi B sem vill alls ekki vera of grönn. 

Cardi B í ágúst, rúmum mánuði eftir að dóttir hennar kom í heiminn. AFP

• Blogga um frétt