Alexandra greifynja segir að sonur sinn, hinn 19 ára gamli Nikolai prins, sé ekki sáttur eftir að mynd af honum var notuð í auglýsingaskyni fyrir bílaleiguna Sixt. Mynd af prinsinum á bílaleigunni var notuð í fréttatilkynningu frá fyrirtækinu.
Segir ritari greifynjunnar að Sixt hafi beðið um mynd af prinsinum en myndina átti að sýna öðrum á vinnustaðnum. Segir ritarinn samkvæmt Ekstra Bladet að prinsinn og aðrir í dönsku konungsfjölskyldunni séu vanir slíkum myndatökum. Í þetta sinn hafi fyrirtæki hins vegar misnotað myndina af prinsinum.
Bílaleigan hefur fjarlægt fréttatilkynninguna en Danir hafa þó verið duglegir að birta mynd af henni á samfélagsmiðlum.
Prins Nikolai har været inde og hente sin Renault Clio... pic.twitter.com/m9X0UIz9Jz
— Jakob Andresen (@jakobandresen) November 16, 2018
Þó svo að kóngafjölskyldan eigi ekki að taka þátt í auglýsinum sem þessum er prinsinn ungi ekki alveg óvanur auglýsingamennsku þar sem hann hefur starfað sem fyrirsæta hjá stórum tískumerkjum.