Bollywood-leikkonan Priyanka Chopra og bandaríski söngvarinn Nick Jonas gengu í hjónaband um helgina í Umaid Bhawan höllinni í Jodhpur á Indlandi. Fjölmargir gestir eru viðstaddir þar á meðal bróðir brúðgumans, Jo Jonas og unnusta hans, breska leikkonan Sophie Turner.
Brúðkaupið er ákaflega íburðarmikið og gengur undir nafninu „brúðkaup ársins“ á Indlandi. Í morgun var sjálf athöfnin að hindúasið.
Chopra, sem er 36 ára, skrifar á Instagram að eitt það dýrmætasta sem samband hennar og eiginmannsins hafi gefið er sameining fjölskyldna sem elska og virða hefðir og trúarbrögð hvor annarrar.
Fjölmargir úr hópi fræga fólksins í heiminum var í veislunni en fatnaður brúðhjónanna var hannaður af Ralph Lauren.
Chopra var kjörin Ungfrú heimur árið 2000 og hún er ein þekktasta leikkona Indlands. Hún hefur einnig leikið í bæði kvikmyndum og þáttaröðum í Bandaríkjunum.