Bestu plötur ársins valdar

Tilnefningar til Kraumsverðlaunanna árið 2018 voru birtar í dag en 21 hljómplata eru tilnefndar og skipa þar með Kraumslistann í ár. Þetta er í ellefta sinn sem Kraumur tónlistarsjóður Auroru velgerðarsjóðs birtir Kraumslistann yfir bestu íslensku hljómplöturnar sem komu út á árinu - og þykja að mati dómnefndar hafa skarað fram úr hvað varðar gæði, metnað og frumleika.

Frétt af mbl.is

Þau hljóta Kraumsverðlaunin 2017

Tólf manna dómnefnd fór í gegnum 343 íslenskar plötur og útgáfur og sýnir það hversu mikil gróskar er í íslensku tónlistarlífi. Dómnefndin mun velja sex breiðskífur af Kraumslistanum sem hljóta munu Kraumsverðlaunin 2018. 

Hiphop og rapptónlist er áberandi á listanum sem má sjá hér að neðan. Á listanum má þó finna hinar ýmsu tónlistarstefnur enda Kraumsverðlaunin ekki bundinn ákveðinni tónlistarstefnu og þeim fylgja engir undirflokkar. 

KRAUMSLISTINN 2018 - ÚRVALSLISTI KRAUMSVERÐLAUNANNA:

• Andi - Allt í einu
• asdfhg. - Örvæntið ekki
• Auður - Afsakanir
• aYia - aYia
• Bagdad Brothers - JÆJA.
• Birnir - Matador
• Bríet - 22.03.99
• Cyber - BIZNESS
• Elli Grill - Pottþétt 2018
• GDRN - Hvað ef
• GYDA - Evolution
• Hekla - Á
• Íbbagoggur - Le quatuor diabolique inexistant: trois pièces sinistres d'Íbbagoggur
• Johnny Blaze & Hakki Brakes - Vroom Vroom Vroom
• Jónbjörn - Isms
• Kælan Mikla - Nótt eftir Nótt
• Nordic Affect – He(a)r
• Ragga Holm - Bipolar
• ROHT - Iðnsamfélagið og framtíð þess
• Sideproject - isis emoji
• Sigrún - Onælan  

• Blogga um frétt