Bandaríska söngkonan Halsey kom fram á undirfatasýningu Victoria's Secret í síðasta mánuði. Í gær var sýningin sýnd í sjónvarpi og gagnrýndi hún þá sýninguna á samfélagsmiðlum. Halsey tók þar með undir fjölmargar raddir þeirra sem gagnrýna ófjölbreyttar fyrirsætur undirfatarisans.
Tónlistarkonan segist hafa verið aðdáandi tískusýningar Victoria's Secret síðan hún var ung stelpa en síðan sýningin var tekin upp hafi komið fram gagnrýnisraddir sem hún segist ekki hafa getað hunsað. Á hún þar sérstaklega við að engar transfyrirsætur voru á sýningunni.
Yfirmaður markaðsmála hjá fyrirtækinu, Ed Razek, sagði í viðtali við Vogue í nóvember að hann teldi ekki þörf fyrir að hafa transfyrirsætu með í tískusýningunni þar sem sýningin væri fantasía. Hann baðst seinna afsökunar og sagði hægt að ráða transfyrirsætur í sýninguna. Transfyrirsætur hefðu komið í prufur en eins og svo margar aðrar fyrirsætur ekki komist að.
Please read this important message from Ed Razek, Chief Marketing Officer, L Brands (parent company of Victoria’s Secret). pic.twitter.com/CW8BztmOaM
— Victoria's Secret (@VictoriasSecret) November 10, 2018