Grínistinn Pete Davidson hefur fengið að finna fyrir því síðustu mánuði en Davidson og söngkonan Ariana Grande slitu stuttri trúlofun sinni í haust. Í gær opnaði sig um líðan sína undafarna mánuði, segist hann hafa verið lagður í neteinelti og glímt við sjálfsvígshugsanir.
Davidson segir eineltið hafa hafist fyrir níu mánuðum, um það leyti sem hann og Grande voru að byrja saman. Á hann erfitt með að skilja hvernig allur heimurinn, eins og hann orðar það, talar illa um einn mann.
„Sama hversu mikið netið eða einhver annar leggur á sig til að reyna að láta mig fyrirfara mér. Ég mun ekki gera það. Ég er reiður yfir því að ég þurfi að segja það,“ segir Davidson meðal annars í skilaboðum á Instagram.
Grínistinn segist áður hafa opnað sig um geðsjúkdóm sem hann glímir við og sjálfsvígshugsanir til þess að opna umræðuna og hjálpa fólki í sömu stöðu og hann hefur verið í.
View this post on InstagramA post shared by Pete Davidson (@petedavidson) on Dec 3, 2018 at 9:30am PST