Portman biðst afsökunar

Leikkonan Natalie Portman gagnrýndi ímynd söngkonunar Jessicu Simpson í vikunni. Simspson hélt því fram á sínum yngri árum að hún væri hrein mey, á sama tíma hún klæddist efnislitlum fötum. Simpson svaraði Portman á samfélagsmiðlum og útskýrði leikkonan mál sitt betur í kjölfarið og bað söngkonuna afsökunar. 

Portman sagði að það hefði ruglað hana í ríminu sem unglingur þegar myndir af Simpson í bikiní birtust og fyrirsögnin hefði verið: „Ég er hrein mey“. 

Simpson greindi frá því á samfélagsmiðlum að hún hefði orðið fyrir vonbrigðum þegar hún las ummæli Portman og sagði að hún ætti að vita það jafnvel og hún að ímynd þeirra væri ekki alltaf í þeirra höndum. 

Portman skrifaði athugasemd við pistil Simpson á Instagram þar sem hún sagðist vera sammála því að konur mættu klæða sig eins og þær vildu. Hún hefði aðeins verið að reyna að útskýra tilfinningar sínar sem unglingur í sviðsljósinu líkt og hún. Portman bað auk þess Simspon afsökunar ef orð hennar hefðu sært hana, hún ætlaði ekki að tala illa um hana. 

skjáskot/Instagram

• Blogga um frétt