Ungfrú Mexíkó var valin Ungfrú heimur (Miss World) í Kína um helgina. Var þetta í 68. skipti sem keppnin fór fram. Hin 26 ára gamla Vanessa Ponce de Leon varð fyrsta konan frá Mexíkó til þess að hljóta titilinn. Nýkrýnda fegurðardrottning er með gráðu í alþjóðaviðskiptum og hefur starfað í sjónvarpi og sem fyrirsæta.
Í öðru sæti var ungfrú Taíland, Nicolene Limsnukan, og í þriðja sæti var Quiin Abenakyo frá Úganda. Alls tóku 117 stúlkur þátt í keppninni sem fram fór Sanya í Kína.
Erla Alexandra Ólafsdóttir tók þátt í keppninni fyrir Íslands hönd í ár en það var sjálf Linda Pé sem sá um að velja fulltrúa Íslands þar sem engin undankeppni fór fram í ár. Tvær íslenskar konur hafa hlotið titilinn Ungfrú heimur auk Lindu en það eru þær Hólmfríður Karlsdóttir og Unnur Birna Vilhjálmsdóttir.
View this post on InstagramMemories that will last a lifetime ✨🇮🇸 #missworld2018
A post shared by Erla Alexandra Ólafsdóttir (@erlaalexandra) on Dec 9, 2018 at 3:37am PST