Lögreglustjórinn fyrrverandi Andrew Colborn hefur lagt fram kæru á hendur Netflix fyrir þættina Making a Murderer. Samkvæmt frétt Variety heldur Colborn því fram að í þáttunum komi fram að hann hafi komið fyrir sönnunargögnum, eitthvað sem hann hafi ekki gert.
Í yfirlýsingu segir lögmaður Colborn að með þáttunum hafi mannorð hans verið ranglega nítt, það sama má segja um orðspor Manitowoc-sýslu í Wisconsin í Bandaríkjunum þar sem umrætt morð og rannsókn fór fram. „Hann leggur þessa kæru fram til þess að leiðrétta misskilning og byggja upp aftur sitt góða nafn,“ sagði lögmaðurinn í yfirlýsingu sinni.
Netflix neitaði að svara þegar leitast var eftir viðbröðgum frá efnisveitunni. Meðal þeirra sem eru nefnd í kærunni eru leikstjórar Making a Muderer, Laura Riccardi og Moira Demos og framleiðendur.
Í máli Colborn kemur fram að kvikmyndagerðafólkið hafi gefið skakka mynd og sleppt mikilvægum atriðum til þess að sýna að Colborn og aðrir hafi komið sökinni ranglega yfir á Steven Avery og frænda hans Brendan Dassey.