Giftu sig um jólin

Stjörnuparið Miley Cyrus og Liam Hemsworth gengu í það heilaga á Þorláksmessu. Söngkonan sem er 26 ára birti myndir frá brúðkaupinu á Instagram í gær en brúðkaupið fór fram á heimili hennar í Tennessee í Bandaríkjunum.

People greinir frá því að leikarinn og söngkonan hafi ætlað sér að gifta sig á heimili sínu við sjóinn í Malibu í Kaliforníu en þau plön hafi breyst þegar húsið brann í skógareldum í nóvember. 

Hjónin kynntust árið 2009 og trúlofuðu sig fyrst þremur árum seinna. Trúlofunin entist þó ekki og hætti parið saman árið 2013. Cyrus staðfesti svo árið 2016 að þau væru ekki bara byrjuð saman aftur heldur líka trúlofuð.  

• Blogga um frétt