Samkvæmt ríkislögreglunni í Massachusetts eru til upptökur af kynferðisbroti sem Kevin Spacey á að hafa framið í júlí 2016 í Nantucket. Þegar kærasta þolandans trúði honum ekki sendi hann henni upptöku á samskiptaforritinu Snapchat og er Spacey sagður sjást snerta hann.

Þetta kemur fram í umfjöllun CBS um skjöl málsins sem lögreglan hefur nú gert opinber.

Spacey var kærður á aðfangadag og mun mæta fyrir héraðsdóm Nantucket þann 7. janúar.

Frétt af mbl.is

Spacey kærður fyrir kynferðisbrot

Í skjölunum er meðal annars að finna frásagnir þolanda, kærustu hans, leigufélaga og barþjóns á barnum þar sem atvikið átti sér stað. Þolandinn segir Spacey hafa keypt handa sér drykki og snert hann utanklæða, einkum í gegnum buxurnar.

Kærasta þolenda hefur sagt lögreglu að hún hafi ekki trúað honum þegar hann sagði henni að Spacey væri að reyna við sig. Hann hafi þá sent henni snapchat-myndband þar sem Spacey sést snerta á honum klofið.

Stuttu fyrir birtingu ákærunnar á hendur Spacey setti leikarinn myndband á Twitter þar sem hann er í hlutverki Francis Underwood úr þáttunum House of Cards og spyr: „Þú myndir ekki trúa svona slæmum hlutum án sönnunargagna, er það nokkuð? Þú myndir ekki draga skjótar ályktanir án staðreyndanna?“

Málið er ekki það fyrsta af sínum toga og hafa fleiri kynferðismál tengd Spacey verið í fjölmiðlum að undarnförnu.

Frétt af mbl.is

Nuddari kærir Spacey

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt