Ofurfyrirsætan Heidi Klum er ein af mörgum sem sagði já um jólin. Klum sem er 45 ára trúlofaðist kærasta sínum, hinum 29 ára gamla tónlistarmanni Tom Kaulitz. Kaulitz er Þjóðverji líkt og fyrirsætan.
Fyrst fréttist af sambandi Klum og Kaulitz í byrjun þessa árs. Ef þau láta verða af því að ganga í það heilaga verður hjónabandið þriðja hjónaband Klum. Hún var áður gift Ric Pipino og tónlistarmanninum Seal sem hún á fjögur börn með.