Leikkonan Melissa McCarthy hefur þurft að takast á við aðra hluti en margar leikkonur í Hollywood enda ekki beint lifandi staðalímynd leikkvenna á hvíta tjaldinu. McCarthy greindi frá óviðeigandi spurningum sem hún hefur fengið á ferlinum í viðtali við InStyle.
McCarthy sem vakti fyrst athygli í Gilmore Girls-þáttunum og sló svo í gegn í Braidsmaids fékk að finna fyrir því við kynningu á grínmyndinni. „Ertu hissa á að þú starfir í alvöru í þessum bransa í þinni gríðarlegu stærð?“ spurði fjölmiðlamaður hana.
Segir McCarthy hann hafa haldið áfram að minnast á „gríðarlega stærð“ hennar en McCarthy segir að maðurinn hafi seinna misst starf sitt eftir samtal í rútu við einhvern annan. McCarthy varð mjög reið þegar hún fékk spurninguna og segist hafa hugsað að hún gæti lamið hann í spað á skotstundu með sínum gríðarstóra líkama.
McCarthy segir þetta alltaf að gerast en það áhugaverða sé að karlmenn fái ekki eins spurningar. „Ekki til þess að vera asni eða tala öðruvísi um hann en þegar John Goodman var þyngri, talaði einhver einhvern tímann um ummál hans?“