Katrín hertogaynja fagnaði 37 ára afmæli sínu í gær, miðvikudag. Þrátt fyrir að búa í höll og vera gift prinsi var ekkert prinsessuafmæli á dagskrá hjá Katrínu sem er sögð vera lítið fyrir stórar afmælisveislur. 

Eiginmaður hennar Vilhjálmur sinnti opinberum störfum fyrr um daginn en var kominn heim fyrir teboð í Kensington-höll með fjölskyldu sinni samkvæmt heimildarmanni Vanity Fair. 

„Katrín er ekki mikið fyrir stóra afmælisfagnaði en Georg og Karlotta elska afmæliskökur, svo það verður sérstakt teboð í höllinni með kertum og gjöfum,“ sagði heimildarmaðurinn. 

Fjölskylda Katrínar lét ekki sjá sig en Express greinir frá því að foreldrar hennar, bróðir hennar, James Middleton, og systir hennar, Pippa, og eiginmaður hennar hafi sést á St. Barts í fríi sama dag. 

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt