Segir að pissað hafi verið á hana

Mariah Carey.
Mariah Carey. AFP

Fyrrverandi aðstoðarkona söngkonunnar Mariuh Carey, Lianna Shakhnazaryan, lýsir því að hún hafi orðið fyrir líkamlegu og kynferðislegu ofbeldi þegar hún vann fyrir Carey. Samkvæmt Variety átti þáverandi umboðsmaður Carey, Stella Bulochnikov, að hafa beitt aðstoðarkonuna ofbeldi en Carey sjálf er sögð hafa horft fram hjá framkomu umboðsmanns síns og stundum verið viðstödd þegar ofbeldið átti sér stað. 

Shakhnazaryan sakar Bulochnikov meðal annars um að slá í rass hennar og brjóst og sitja ofan á henni. Hún sakar umboðsmanninn einnig um að halda henni niðri og pissa á hana. Aðstoðarkonan fyrrverandi sakar Bulochnikov einnig um að kalla hana ljótum nöfnum á borð við bandarísku hóruna. 

Sjálf hefur Mariah Carey farið í mál við Shakhnazaryan þar sem hún sakar hana um að taka upp vandræðaleg myndbönd af henni í leyni. Krefst Carey átta milljóna Bandaríkjadala fyrir það. 

Shakhnazaryan segist hafa verið ráðin til að vinna bæði fyrir söngkonuna og umboðsmann hennar í september 2015. Var hún á sólahringsvöktum alla daga vikunnar en segist hafa verið rekin tveimur árum seinna eftir að hún kvartaði yfir Bulochnikov við Carey. Flest í kæru Shakhnazaryan beinist gegn fyrrverandi umboðsmanni söngdívunnar þó að því sé einnig haldið fram að Carey hafi komið illa fram við hana. 

Mariah Carey.
Mariah Carey. AFP
mbl.is