Óánægð yfir tilnefningu til Óskarsverðlaunanna

Móðir James Bulger, sem var myrtur á hrottafenginn hátt, er óánægð með að stuttmynd sem fjallar um morðið á honum sé tilnefnd til Óskarsverðlaunanna. 

Stuttmyndin, Detainment, var unnin án vitneskju fjölskyldu drengsins. Leikstjórinn, Vincent Lambe, vann myndina upp úr viðtölum lögreglunnar við drengina tvo sem myrtu Bulger. Myndin fjallar um morðið á 2 ára dreng, James Bulger. Bulger var myrtur árið 1993 af tveimur 10 ára drengjum, Jon Venables og Robert Thompson, sem námu hann á brott úr verslunarmiðstöð. 

Venables og Thompson voru aðeins 10 ára þegar myrtu James Bulger.

Móðir Bulger, Denise Fergus, hefur sent frá sér yfirlýsingu á Twitter þar sem hún kveðst harmi slegin yfir að myndin hafi verið tilnefnd. Hún hefur barist fyrir því síðustu vikur að fá akademíuna til þess að tilnefna myndina ekki. Um 90 þúsund manns hafa skrifað undir undirskriftalista þess efnis. Fergus hefur einnig barist fyrir því að taka myndina úr sýningu. 

Lambe hefur beðið Fergus afsökunar á því að hafa ekki sagt fjölskyldunni frá gerð myndarinnar á meðan hann vann að henni.

Morðið á James Bulger vakti mikinn óhug í Bretlandi og víðar.

• Blogga um frétt