Kvikmyndin Lof mér að falla vann aðalverðlaun á belgísku kvikmyndahátíðinni Ramdam í gær. Birgir Örn Steinarsson, sem skrifaði handritið ásamt leikstjóranum Baldvin Z, tilkynnti þetta á Facebook-síðu sinni í gærkvöldi.
Lof mér að falla, sem fjallar um tvær konur í viðjum fíkniefnaneyslu og er byggð á sannri sögu hefur fengið mikið lof gagnrýnenda bæði á Íslandi og í útlöndum, meðal annars hjá hinu virta tímariti Variety.