Segjast ekki hafa fengið greitt

Rappsveitin Reykjavíkurdætur segir að aðstandendur Secret Solstice-tónlistarhátíðarinnar hafi ekki enn greitt sveitinni fyrir framkomu sína á tónlistarhátíðinni í fyrra og falist nú eftir því að sveitin troði upp á hátíðinni í sumar, ókeypis.

Þetta kemur fram á Twitter-síðu sveitarinnar í kvöld, en Reykjavíkurdætur segja einnig að þær hafi fengið að koma fram á versta tíma á hátíðinni í fyrra.

Miðað við orðbragð rappsveitarinnar í færslunni, sem er á ensku, má telja ólíklegt að þær þiggi boð um að troða upp án endurgjalds á Secret Solstice-hátíðinni í sumar.

• Blogga um frétt