Beyoncé skellti sér í afmæli um síðustu helgi en djarfur klæðnaður söngkonunnar hefur vakið athygli. Var hún klædd í hvíta dragt frá Sergio Hudson en söngkonan hafði hvorki fyrir því að klæða sig í bol né brjóstahaldara undir dragtina. Það er vonandi að jakkinn hafi verið límdur fastur við hana.
Fóru hjónin Beyoncé og Jay-Z í 32 ára afmæli Black Panther-leikarans Michael B. Jordan á föstudaginn í Hollywood. Söngkonan birti mynd af þeim hjónum með afmælisbarninu sem lét loka heilum veitingastað fyrir afmælið.