Pör út um allan heim fagna ástinni í dag, 14. febrúar. Brasilíska fyrirsætan Nathalia Soliani nýtti tækifærið og deildi ást sinni á kærastanum, knattspyrnukappanum Rúrik Gíslasyni, með fylgjendum sínum á Instagram.
Soliani birti innilegar myndir af sér og Rúrik með rómantískum skilaboðum eins og „ég elska þig“. „Meira að segja himinninn var ástfanginn þetta kvöld,“ skrifaði hún við aðra mynd þar sem þau Rúrik og Soliani kyssast eins og enginn sé morgundagurinn.
„Takk fyrir að vera maður drauma minna,“ skrifaði Soliani við enn aðra mynd og er greinilega búin að finna draumaprinsinn.