Svo virðist sem Orlando Bloom hafi farið á skeljarnar á Valentínusardaginn og beðið kærustu sinnar, Katy Perry. Leikarinn og söngkonan birtu bæði myndir af sér á Instagram þar sem söngkonan sýnir ógnarstóran demantshring sinn.
„Sjái hver trúlofuðu sig á Valentínusardaginn,“ skrifaði móðir Perry einnig á samfélagsmiðla er Mirror greinir frá og birti myndir frá því sem virðist vera trúlofunarveislu.
Parið byrjaði að hittast snemma á árinu 2016 en hættu þó saman um ári seinna. Stjörnuparið byrjaði að hittast aftur fyrir um ári og virðist nú meiri alvara vera í spilunum.
Þau hafa bæði verið gift áður en Katy Perry giftist grínistanum Russell Brand árið 2010 en hjónabandið entist í 14 mánuði. Bloom var hins vegar kvæntur ofurfyrirsætunni Miröndu Kerr en þau hættu saman eftir þriggja ára hjónaband en eiga saman einn son.
View this post on InstagramA post shared by Orlando Bloom (@orlandobloom) on Feb 15, 2019 at 2:15am PST