John Lundvik verður fulltrúi Svía í Eurovision í Tel Aviv í Ísrael í maí en í kvöld fór fram söngvakeppni sænska ríkissjónvarpsins, Melodifestivalen. Lundvik fékk flest atkvæði bæði dómnefndar og áhorfenda.
Í fyrra hafnaði John Lundvik í þriðja sæti í úrslitum Melodifestvalen. Lag hans í ár nefnist Too late for love og ef hann kemst út úr undankeppninni mun hann væntanlega keppa á móti eigin lagi því hann samdi lag Breta fyrir Eurovision í ár, Bigger Than Us sem Michael Rice flytur í Tel Aviv.