Unnusta Luke Perry, Wendy Madison Bauer, segir að Perry hafi gefið henni bestu ár lífs hennar. Perry lést á mánudaginn síðastliðinn, 52 ára að aldri, fimm dögum eftir að hann fékk heilablóðfall.
Bauer og Perry höfðu verið saman í 11 og hálft ár en þau héldu sambandi sínu leyndu lengi og voru margir aðdáendur Perry hissa á að hann ætti unnustu þegar hann lést.
„Ég vil þakka öllum sem hafa sýnt mér ást og stuðning. Það hefur verið mikil huggun að heyra óteljandi fallegar sögur af gjafmildi og góðmennsku Perrys síðustu daga,“ sagði Bauer við People.
„Síðustu 11 og hálft ár með Luke voru bestu ár lífs míns og ég er þakklát fyrir að hafa átt þann tíma með honum. Ég vil einnig þakka börnunum hans, fjölskyldunni hans og vinum fyrir stuðninginn,“ sagði Bauer.