Má ekki gifta sig nema pabbi samþykki
Setja bókamerki
Faðir Britney Spears hefur haft umsjón með fjárhag hennar sem og persónulegum málum síðan hún fékk taugaáfall fyrir rúmum tíu árum. Spears virðist hafa það fínt núna, vinnur mikið, sinnir börnum sínum og á kærasta. Hún má þó ekki giftast kærastanum nema faðir hennar gefi grænt ljós.
Spears hefur átt í sambandi með dansaranum Sam Asghari í nokkur ár en Us Weekly greinir frá því að faðir hennar þurfi að samþykkja hjónabandið ef hún vilji giftast honum. „Britney getur ekki giftst án þess að Jamie samþykki,“ sagði heimildarmaður sem gaf jafnframt í skyn að faðir hennar myndi ekki segja já þar sem það myndi skapa fleiri lagalegar flækjur.
Söngkona á synina Preston, 13 ára, og Jayden, 12 ára, með fyrrverandi eiginmanni sínum, Kevin Federline. Hún er ekki nema 37 ára og ekki sögð hafa gefið það upp á bátinn að eignast þriðja barnið. Faðir hennar þyrfti þó að samþykkja það líka.
Hafa „ágætis tíma“ til úrbóta
Myndskeið: Segjast hafa skotið niður sprengjuflugvél
Segjast hafa skotið niður langdræga sprengjuvél
Ný staða uppi og óvissan meiri
Spursmál: Fyrsta stóra viðtal Katrínar
Mikilvægt að vera á tánum
Færa slökkviliðið til nútímans