Felicite Tomlinson, systir One Direction-stjörnunnar fyrrverandi Louis Tomlinson, lést í vikunni aðeins 18 ára gömul.
Samkvæmt BBC lést Felicite úr hjartaáfalli sem kom fjölskyldunni í opna skjöldu, en hún hafði ekki verið greind með neina hjartasjúkdóma.
Felicite stefndi á að verða fatahönnuður og var vinsæl á Instagram, en hún var með 1,4 milljónir fylgjenda þar.
Louis er elstur sjö systkina, en þau misstu móður sína úr hvítblæði árið 2016. Yngstu systkini hans eru tæplega 6 ára gömul. Tomlinson gaf út lag fyrir rúmlega viku þar sem hann syngur um móðurmissinn. Hann átti að koma fram á góðgerðarviðburði á vegum BBC í kvöld en hefur afboðað komu sína.
View this post on InstagramA post shared by Félicité Tomlinson (@felicitegrace) on Dec 9, 2016 at 6:10am PST