Dóttir Michael Jackson, fyrirsætan Paris Jackson, sakar bandarísku vefsíðuna TMZ um lygar en þar var greint frá því undir kvöld að Jackson hefði verið lögð inn á sjúkrahús eftir sjálfsvígstilraun.
„Farið til fjandans helvítis lygarar,“ skrifar Paris á Twitter-síðu sína þar sem hún deilir frétt TMZ.
fuck you you fucking liars
— Paris-Michael K. J. (@ParisJackson) March 16, 2019
Paris hefur áður sagt að það sé ekki hennar að verja föður sinn í kjölfar útgáfu heimildarmyndarinnar Leaving Neverland. Þar er Michael Jackson sakaður um alvarlegt barnaníð.
Erlendir miðlar greindu frá því fyrr í mánuðinum að Paris hefði áhyggjur af því hvaða afleiðingar myndin hefði á leiklistarferil hennar.