Leikarinn Mark Ruffalo vill ekki trúa því að hinn 22 ára gamli leikari Noah Centineo líti út eins og yngri útgáfa af honum sjálfum. Spjallþáttastjórnandinn Jimmy Fallon spurði Ruffalo út í líkindin í vikunni en Centineo er ekki bara sagður líkjast honum heldur tala eins og hann.
„Vá ég vildi óska að ég væri svona myndarlegur,“ sagði Ruffalo þegar Fallon sýndi honum mynd af Centineo. „Þú ert svona myndarlegur,“ sagði Fallon þá og bætti við að fólk teldi þá tala eins. Hann sýndi honum síðan myndband af Centineo segja það sama.
Hvað sem Ruffalo finnst er ekki hægt að neita því að þeir gætu í það minnsta verið feðgar.
Anyone else thinkin that Noah Centineo could’ve been a young Mark Ruffalo???? Just me??? pic.twitter.com/cQPr5qaMAp
— Dais (@daisyg2708) September 1, 2018