Fyrsti þátturinn af danska raunveruleikaþættinum Ex on the Beach fór í loftið í gær í Danmörku. Hin íslenska Sara Rún Ísafold er meðal þátttakenda en áður en þættirnir voru frumsýndir mættu stjörnurnar á rauða dregilinn og kom þar í ljós að Sara Rún á í sambandi við einn af þátttakendunum.
Sara Rún sagði í viðtali við danska Ekstra Bladet að hún væri að hitta Jeppe Risager. Tók hún skýrt fram að þau væru ekki kærustupar en þau væru að hittast. Segir hún að samband þeirra hafi þroskast þegar þau komu heim af ströndinni og fór fallegum orðum um Risager.
Risager hafði sitt að segja um sambandið sem hann er ekki síður lukkulegur með það þótt hann hafi áhyggjur af fjarlægðinni. Sara býr í Esbjerg á Jótlandi en Risager býr í öðrum bæ.